Haqqımda
Bu bloqu kimlər izləyə bilər?
Riyaziyyat və ya fizika ilə ciddi maraqlanan insanlar. Bu sahələrdə çalışan, oxuyan tələbələr, magistrantlar, aspirantlar. Çoxdurmu belələri Azərbaycanda?!
Bloqda nələrdən yazıram?
Elmi-kütləvi yazılar, demək olar, yazmıram, ciddi elmi yazılar da yazmıram. Birincini ona görə ki, bloq bunun üçün nəzərdə tutulmayıb, ikincini ona görə ki, bloqda hal-hazırda ciddi müzakirə yoxdur.
Bloqu yeni yaradanda düşünmüşdüm ki, nəzəri fizikadan kurs-intensiv adı ilə nəzəri fizikanın ümumi, fundamental anlayışlarını verərəm və gələcək yazılarda istifadə edəcəyim terminləri anlamayanlara həmin yazıları oxumağı məsləhət görərəm. Təəssüf, kurs-intensiv heç də “intensiv” olmadı, bloqun artıq 1 yaşı var iki yazıdan və iki əlavədən irəli gedə bilmədim.
Hələlik bloqda bir neçə mövzu ətrafında söhbət etmək istəyirəm:
- Nəzəri fizikadan universitet programı çərçivəsində kurs: Nəzəri fizikadan kurs-intensiv adlı yazılar və bəzi əlavələr daxildir buraya. Yaxın zamana proqram belədir: Klassik mexanikanın əsas anlayışlarını vermək (Laqranj-Hamilton formalizmi), Klassik sahə nəzəriyyəsinin anlayışlarını vermək və mövzu ilə əlaqədar riyazi əlavələr.
- Nanofizikanın “həqiqi fizikası” haqqında yazılar: bu sahədə yeni olduğum üçün, çox şey deyə bilməyəcəm, amma bildiklərimlə bölüşəcəm (buraya bax).
- Riyaziyyatla bağlı yazıları 3 yerə bölmək olar: riyaziyyatın maraqlı məsələləri (bax buraya, buna və buna), riyaziyyatın və riyazi fizikanın müasir problemləri (məsələn, bunun kimi və bunun kimi) və riyaziyyatla fizikanın birləşdiyi yer (məsələn)
- Qeyri-xətti fizika
hörmətlə,
Gahramanov
(son dəyişiklik 14.12.2009)
fikirsistemi said
Salamlar, maraqli blogunuz var. Amma cox adam girmediyi ucun teessuflenmeyiniz duz olmaz mence. Bu yazilar da size maraqli olar deye dusunurem:
http://rethink.azeriblog.com/2008/12/05/quantumphyscs
http://rethink.azeriblog.com/2009/05/06/maddesuallar
gahramanov said
Təəssüfləndiyimi haradan hiss etdiniz, doğrusu anlamadım. Bu yazıda təəssüf notları deyil, sadəcə işin real tərəfi yazılıb. !
Bağlantılardakı yazıları oxuyaram. Təşəkkürlər.
Tural said
Amerikada Elementar Zerrecikler uzre tehsilimi qurtarib olkem Pakistana qayidanda 90.000.000 – luq xalqim arasindan Dirac tenlikleri ile Mesgul olan sadece bir Fizikaci tapa bildim.
Abdus Salam
Bezen Abdus Salamin dediyi bu sozlere cox-cox xatirlatici faktlarla qarsilasiriq. Her seyden acinacaqlisi ise odur ki,Biz ve olkemiz hal hazirda elm potensialina gore hec de o vaxtki Pakistandan dala qalmir.
gahramanov said
Tural, sizinlə təmamilə razıyam. Şərhinizə qüvvət bloqda Fizika və Astronomiyadakı vəziyyətimizlə bağlı bir statistikanı yerləşdirdim:
http://nezerifizika.wordpress.com/2009/06/28/azərbaycanda-elmin-vəziyyəti/
Tural said
Statistikaya baxdim. Gorduklerim ve esitdiklerim ust-uste dusdu. Yanliz bu statistikani haradan (Hansi jurnaldan) oxumusunuz?
P.S
Sizinle etrafli tanis olmaq maraqli olardi .
gahramanov said
Bu statistikanı aparan sayt var:
http://www.scimagojr.com
Mənim istifadə etdiyim (maraqlı ölkələri seçib qrafikini excel’də qurmuşam) mənbə:
http://www.scimagojr.com/countryrank.php?area=3100&category=0®ion=all&year=2007&order=it&min=10&min_type=it
P.S. Buyurun, elmi söhbətlərə həmişə açığam. :)
Ulvi said
Salam. Men BDU-nun fizika fakultesinin mezunuyam. Esgerlikden yeni gelmishem. Saytinizi chox beyendim. Burada ozumu oz gemimdeki kimi hiss edirem. Chox shey bilmirem, amma bildiyim az sheyleri sizinle bolushmek isterdim, tebii ki icazenizle. Diqqete gore minnetdaram.
gahramanov said
Salam, Ulvi. Bölüşmək istədikəriniz varsa, buyurun, yazın. Mənim elektron ünvanım: ilmar (at) gmail.com
Sakin said
Salam. Bu bloqla etraflı olaraq indi tanış oldum. Bele işi ancaq alqışlamaq olar. Mene ele gelir ki, Azırbaycanda elmin bugünki səviyyəsi heç kimə gizli deyil. Gelin bunu teqid etməydən daha çox, aradan qaldırmağa çalışaq. AMEA-nın Fizika İnstitunun aspirantı, Rusiya, Dubna, BNTİ-nun k.e.işçisi.